Mahal kita, Paalam na!

by MBK Estanil | shared on He Said, She Said |

Akala koy ikaw na.
Akala koy tayong ng dalawa
Akala koy handa ka na.
Akala koy totoo na ang sinabi mong “mahal kita”
Akala ko lang pala. Pasensya ka na.
Pasensya ka na kung minahal kita.
Pasensya ka na kung umaasa akong
masusuklian mo rin ang pag-ibig ko sa ‘yo sinta.
Pasensya ka na kung….Basta sorry, pasensya na.
Salamat sa panandaliang kilig na iyong pinadama.
Salamat sa pagpaparamdam
kahit sa sandaling oras lang na ako’y mahalaga.
Salamat sa yakap at halik
na kasing init ng kapeng iniinom ko sa umaga.
Salamat sa katagang “mahal kita”
kahit kasinungalingan lang pala.
Salamat sa sakit na s’yang dahilan
para mas maging matapang ako ngayon sa kasalukuyan.
Salamat sa pait na s’yang dahilan
para mas maging mabuti ako ngayon kesa sa nakaraan.
Salamat. Salamat dahil tinuro mo sa ‘kin
na hindi ikaw ang tamang tao na sa akin ay nakalaan.
H’wag kang mag alala, hindi na ako muling aasa.
Tapos na akong paniwalain ang sarili ko
na balang araw ay masusuklian mo rin
ang pagmamahal na kaya kong ialay sa ‘yo sinta.
Ayoko na. Tapos na.
Tapos na akong paniwalain na darating din
‘yung araw na marerealize mo ang aking halaga.
Tapos na.Tapos na akong magmakaawa sa pagmamahal
at atensyon mo at umasang darating ang araw
na malalaman mong ako ay sapat na.
Sa ngayon, wala na.
Wala ng tatawag sa ‘yo sa umaga para gisingin ka.
Wala ng magtetext sa ‘yo para paalalahanan ka
ng mga bagay na dapat at hindi mo dapat gawin.
Wala ng mag aalaga sa ‘yo pag nilalagnat ka o may sakit ka.
Wala naring maghahatid ng mainit na kape sa ‘yo sa umaga.
Wala naring halik at yakap para iparamdam sayo na hindi ka nag-iisa.
Wala na. Wala na rin yung laging nand’yan sa ‘yo
sa tuwing lugmok na lugmok ka at karamay mo sa lahat ng problema.
Wala na, dahil pinaramdam mo sa kanya na hindi s’ya mahalaga.
Na wala s’yang halaga. Na walang kwenta ang lahat ng bagay
na ginagawa nya. Wala na. Tapos na.
Marahil pagod na s’ya, sawa na.
Naaalala mo pa ba kung saan palagi n’yang sinasabi sa ‘yo na “mas mahal kita”
Hindi dahil gusto n’yang lagpasan ang pag-ibig mo sa kanya,
pero mas malalim pa dun ang gusto n’yang ipadama.
Mas mahal ka n’ya.
Ang ibig n’yang sabihin ay mas mahal ka n’ya
kesa sa mga hindi magandang araw na pagdadaan n’yong dalawa.
Ang ibig n’yang sabihin ay mas mahal ka n’ya
kesa sa mga pag-aaway at pagtatalunan nyong dalawa.
Ang ibig n’yang sabihin ay mas mahal ka n’ya
kesa sa distansyang maglalayo sa inyong dalawa.
Ang ibig n’yang sabihin ay mas mahal ka n’ya
kesa sa mga pagkakamaling magagawa mo sa kanya.
Ang ibig n’yang sabihin ay mas mahal ka n’ya
kesa sa mga pagsubok na haharapin n’yong dal’wa.
Ang ibig n’yang sabihin ay mas mahal ka n’ya
kesa sa mga gabing ang tanging gustong maramdaman
na lamang n’ya ay ang sumuko na.
Ang ibig n’yang sabihin ay mas mahal ka n’ya.
Mas mahal ka n’ya kesa sa mga sandaling
ang nais na lamang n’yang maramdaman ay kamuhian ka.
Salamat nalang ulit dahil hinayaan mo s’yang pakawalan ka.
Salamat dahil pinagsarhan mo s’ya
ng pintuang mong kasingsikip ng iskinita
At kasabay ng pagsarang iyon,
salamat dahil nakita n’ya ang pintuang nakalaan sa kanya.
Pintuan kung saan nakaabang ang tamang tao para sa kanya.
Tamang tao na kayang suklian ang pagmamahal n’ya.
Tamang tao na magpaparamdam kung gaano s’ya kahalaga.
Tamang taong magmamahal sa kanya.
Sana lang sa susunod na pagkakataon
na may dumating na magmamahal sa ‘yo,pahalagahan mo na.
Na gaya ng linya ni Kathryn Bernado
sa pelikula nilang Barcelona”huwag mo s’yang mahalin
dahil mahal ka n’ya, mahalin mo s’ya dahil yun ang deserve n’ya.”


Feel free to send in your poems (English or Tagalog) via message on our Facebook Page. We’ll review them first before deciding to post. Postings are done as often as we can. If they’re not posted yet, either it took too long to post or it was rejected, please send in a new one.

Chosen contributions are posted on the site http://HeSaidSheSaidPH.com

He Said, She Said Philippines reserves the right approve or reject submissions for posting.

(Visited 1 times, 1 visits today)

Comments Go Here ▼

Comments